Қазақ халқының сөнбес шырағы Ы. Алтынсарин - 179 жаста!

Ыбырай Алтынсарин - қазақтың аса көрнекті ағартушы-педагогы, жазушы, этнограф, фольклоршы, қоғам қайрткері. Білімін өзі жүйелі жетілдірудің нәтижесінде ол өз заманының аса білімді азаматы болды. Ы.Алтынсарин, жастарды оқуға, білім алуға үндесе, екінші жағынан, оның керектігіне мән бермейтін ескі көзқарасқа соққы берген. Өмірдегі сарқылмайтын мол байлық – білім екендігін айта келіп, білімді болу үшін ерінбей оқу, қажымай еңбек ету керектігін түсіндірген. Ыбырай Алтынсарин өлеңдерінде оқу, білім алудың мақсаты кеңінен сөз болады. Келешекке сенімі мол ұстаз өмірдің көркі, болашақтың иесі – жастар деп ұқты, жеткіншек ұрпаққа сенім артты.
. Ы.Алтынсарин 1841 жылы 20 қазанда қазіргі Қостанай облысының Затабол ауданында туған. «Дала қоңырауы» аталған тұлға білім беру ісіне ат салысып, алғашқы қазақ мектебін ашып, тұңғыш «Қазақ хрестоматиясын» дүниеге әкелді. Қазақ халқының ағартушылық тарихында және ұлттық мектебінің қалыптасуында терең із қалдырған тұлғаға биыл 179 жыл толып отыр. Осыған орай мектебімізде ақын өлеңдерін оқу эстафета челленджін бастағалы отырмыз. Мектеп-гимназия білім алушыларын ақын өлеңдерін оқуға шақырамыз.