Мектепішілік «Ыбырай оқулары» байқауы

 Мектеп-гимназияда 2018 жылдың 22 қазан күні «Ыбырай – қазақ халқының сөнбес шырағы» атты мектепішілік «Ыбырай оқулары» байқауы болып өтті. Тұңғыш педагог, қазақ балаларына білім кілтін ұстатып, білім сыйлаған ұлы ағартушының туылғанына биыл 177 жыл толып отыр. Осыған орай іс-шаралар жоспары жасалды. «Шырағын жаққан білімнің» тақырыбында көрме жасалды. «Дала қоңырауы» эссе жазу байқауына 9-10-11 сынып оқушылары қатысты. «Ыбырай – қазақ халқының сөнбес шырағы» тақырыбында әдеби кеш өтті. Кеште «Кел, балалар, оқылық» бөлімі бойынша оқушылар Ыбырай өлеңдерін оқыды. «Қазақ халқының Ұлы перзенті» бөлімінде арнау өлеңдер оқылды. «Ы.Алтынсарин ағартушы, педагог, қоғам қайраткері» бөлімінде хаттары оқылды. «Ыбырай аудармалары» бөлімінде Ы.Алтынсариннің аударған аудармаларын оқушылар мәнерлеп жатқа оқыды. Бөлімдер бойынша жеңімпаз оқушылар марапатталды. Кешті бірлестік жетекшісі Л. Акылбаева қорытындылады.