23
сентябрь
2018
Жалпы ұлттық ата-аналар жиналысы
Ы. Алтынсарин атындағы №49 мектеп-гимназияда 2018 жылдың 22 қыркүйек күні 5-7 сынып ата-аналарға «ХХІ ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» атты республикалық ата-аналар конференциясы өткізілді. Конференция мақсаты: «Отбасы мен мектеп ынтымақтастығының берік іргетасын қалау. Мектепте білім алу кезінде баланы ата-аналар тарапынан психологиялық қолдау маңызды екендігін түсіндіру». Ата-аналар конференциясын мектеп-гимназия директоры Дариға Мырзатайқызы ең алдымен ата-аналарды жаңа оқу жылымен құттықтай отырып, Қазақстан Респуликасы Білім және ғылым министрлігі Балалардың құқықтарын қорғау комитетінің Төрағасы ОРШЫБЕКОВ НҰРБЕК ӘБУБЕКҰЛЫНЫҢ үндеу хатымен таныстырды. Конференция барысында мектеп психологы Г.Аширова ата-аналарға "Жасөспірімдік жастың психо-физиологиялық ерекшеліктері және бала мінез-құлқындағы олардың көріністері. Жасөспіріммен қалай жақсы байланыс орнатуға болады: сауатты тәрбиенің 12 ережесі” тақырыбында психологиялық кеңес беріліп, ата-аналарға арналған жадынама таратылды. Конференция соңында сауалнама алынып, кері байланыс жасалды.
