"Үш тұғырлы тіл - болашақтың кілті" пікірсайыс турнирі

   Елбасының «Рухани жаңғыру» бағдарламасы аясында «Үш тұғырлы тіл – болашақтың кілті» тақырыбында 2018 жылдың маусымашар оқушылар арасындағы қалалық пікірсайыс турнирі 20 қаңтар күні Ы.Алтынсарин атындағы №49 мектеп-гимназиясында болып өтті. Аталмыш іс-шараға 25 мектеп, 41 фракция, 82 оқушы қатысты.

   Іс-шараның негізі мақсаты:

- Қазақстан Республикасының Президенті Н.Ә. Назарбаевтың «Болашаққа бағдар: рухани жаңғыру» атты бағдарламаның міндеттерін жастар арасында насихаттау.

- Жастарды көшбасшылық қасиеттерге дағдыландыру, олардың құқықтық мәдениетін көтеру, сыни тұрғыдан ойлау қабілеттеріне машықтандыру арқылы пікірсайысшы жастардың интеллектуалды элитасын қалыптастыру; 

-Жастардың азаматтық пікірінің қалыптасуына, қоғамдық өмірге белсене араласуына ықпал ету, жастар арасында мемлекеттік маңызы бар мәселелерді талқылау және оларды шешу бағытында тың идеяларды тудыруға мүмкіндік жасау болып табылады.

   Қалалық пікірсайыс турнирін Ы.Алтынсарин атындағы №49 мектеп-гимназия директоры Дариға Мырзатайқызы Жумадилова және Жамбыл облысық пікірсайыс одағы «Еркін пікір» ЖҚБ төрағасы Нурсейіт Ғалымжанұлы Қарабаев ашып берді. 

Турнирдің бас төрешісі «Жамбыл облыстық ауыл жастары одағы» корпаративтік қорының атқарушы-директоры Лесбек Азамат Қайратұлы қатысушыларға сәттілік тілеп, қатысушыларды ойын ережелерімен таныстырды. Бір күнге созылған турнир қорытындысы бойынша 1-орынды және «Үш тұғырлы тіл - болашақтың кілті» пікірсайыс турнирінің кубогын Жамбыл ауданы, Ю.Гагарин атындағы мектептің «Алаш партиясы» фракциясы Ж.Байзақ, Д.Жамбыл иеленді. 2-орынды Білім инновациялық лицейінің «Ер жігіт» фракциясы Б.Марғұлан, Б.Сауранбаев иеленсе, 3- орынды №46 мектептің «Өрлеу-4» фракциясы, Б.Шакенбаева, Н.Әділбек иеленді. «Ең үздік спикер» номинациясы №5 мектептің 11-сынып оқушысы Сатекова Мадинаға бұйырды. Ойында жақсы өнер көрсеткен пікірсайысшыларға алхыс хаттар берілді. Турнирге қатысушылар іс-шара ұйымдастырушыларына өз ризашылықтарын білдірді.