10
февраль
2021
"Елбасы медалі" жобасы
Мектеп олимпиадаларын және мектептен тыс іс-шаралар өткізетін облыстық "Жамбыл дарыны" орталығы "Педагогикалық шеберлік" бөлім бастығы Жамаубайұлы Сәулет, "Елбасы медалі" жобасының өңірлік координаторы Сатыбалдиев Даулет мектеп-гимназия оқушыларына "Елбасы медалі" жастарды кешенді дамытуға арналған жоба туралы түсіндірме жұмыстарын жүргізіп, ой-пікірлерімен бөлісті. «Елбасы медалі» - жастарды кешенді дамытуға бағытталған ұлттық деңгейдегі жалғыз бағдарлама. Бағдарлама 7 негізгі бағыттан тұрады: спорт, дарын мен дағды, кітап оқу, ұлттық мұра, волонтерлік, экспедициялар мен жорықтар, еңбек практикасы. Бағдарлама 14 пен 29 жас аралығындағы жастарға арналған.
Бағдарламаға қатысу арқылы, жастар өз уақытын басқаруға, мақсат қоюға және оларға жүйелі түрде қол жеткізуге, салауатты өмір салтын ұстануға және үнемі өзін-өзі дамытуға үйренеді.
2020 жылы «Елбасы медалі» бағдарламасы 11 мыңнан астам қатысушыны, 600 тәлімгерді, 17 аймақтық үйлестірушілер мен сарапшыларды қамтыды. Медальдың алғашқы тұсаукесері 2020 жылдың желтоқсанына жоспарланған. Елбасы медалінің иегерлері білім гранттарын тағайындау кезінде заңнамада белгіленген тәртіппен артықшылыққа ие болады.
