"Отан-отбасынан басталады" тақырыбында көпбалалы аналармен кездесу кеші

     Отбасы - адамзат бесігін тербеткен ұя болса, баланың бас ұстазы ата - анасы. Отбасы - таным бесігі, үлгі өнеге бастауы. "Ұл тәрбиелей отырып, халықты тәрбиелейміз, кыз тәрбиелей отырып, ұлт тәрбиелейміз" деп дана жазушы Мұхтар Әуезов айтқандай мектеп-гимназияда 2019 жылдың 18 қарашасында "Отан-отбасынан басталады" тақырыбында көпбалалы аналармен кездесу кеші өтті. Кездесу кешіне 5 баланың аналары Мурзалиева Мәншүк Қадырбекқызы, Сакулова Ақмарал Үшкемпірқызы, Жүсіпбек Назия Сейітжанқызы қатысты. Кеш барысында аналар отбасы құндылықтары, көпбалалы болудың жақсы, жағымды жақтары туралы өз ойларын ортаға салды. "Ашық микрафон" айдары негізінде аналарға оқушылар балалар өміріне байланысты қызықты сұрақтар қойып, әннен шашу шашып, "мақал-мәтелдер" мәйегі айдарымен берілген тапсырманы бірлесе орындады.Кеш соңында аналар мектеп-гимназия ұжымына, оқушыларына жылы лебіздерін, тілектерін білдірді.