«Жалын» өзін-өзі басқару ұйымының «Президент» сайлауы

Ы. Алтынсарин атындағы №49 мектеп-гимназияның «Жалын» өзін-өзі басқару ұйымының «Президент» сайлауы

    Ы. Алтынсарин атындағы №49 мектеп –гимназияда «Жалын» өзін-өзі басқару ұйымы бойынша Президент сайлауы 2018 жылдың 20 қазан күні болып өтті. Сайлауға өз кандидатурасын  10 «В» сынып оқушысы Амантөре Мадияр, 10 «Б» сынып оқушысы Нағашбеков Сұлтан, 10 «А» сынып оқушысы Абзал Мадияр  алдарына қойған мақсаттары мен ұсыныс тілектерін және мектеп оқушыларымен бірлескен түрде болашақта қандай жұмыстар атқаратыны туралы айтып, өз ойларымен бөлісті.  Ішкі тәртіп ережесін, озат оқушылармен жұмыс , әр түрлі пікір-сайыс, дөңгелек үстел, дебаттар, концерттік бағдарламалардың жүргізілуі туралы өз ойларын ортаға салды.

 

Сайлау соңында Президентке үміткер оқушыларға дауыс берді.  Нәтижесінде 10 «В» сынып оқушысы Амантөре Мадияр 91% басым дауыспен алға шығып, мектеп Президенті болып сайланды.