"Тәжік-Ауған соғысында от кешкендер" тақырыбында ардагерлермен ерлік сағаты ұйымдастырылды.

     1989 жылдың 15 ақпан күні Кеңес Одағының әскері Ауғанстан жерінен шығарылған күн. Осыған орай мектеп-гимназия кешенінде "Тәжік-Ауған соғысында от кешкендер" тақырыбында ардагерлермен ерлік сағаты ұйымдастырылды.  Кездесуге  өмірінің өлшеулі бір бөлігін,  жалындаған жастық шағының жартысын оқ пен от арасында өткізіп, елге аман-сау оралып, туған жерімен қауышқан "Тәжік-Ауған" соғысының ардагерлері: атап айтқанда  мектебімізден түлеп ұшқан түлек Қалиев Жанат Есентаевич және арнайы қонақ болып  Исмаилов  Айдархан  Таңатарұлы келді. 

  - Ерлік сабағының мақсаты Ауған соғысы ардагерлеріне құрмет көрсету, жат жерде көз жұмған жерлес азаматтарды еске алу және жастарға патриоттық тәрбие беру . Ерлік сағаты барысында ардагер қонақтар әскер қатарында  жүрген уақытта болған оқиғаны баяндап, оқушылармен  ортақ тақырыпта әңгіме өрбітіп, өскелең жас ұрпақ бойына патриоттық рух сыйлап, ақыл-кеңестерін ортаға салды. Оқушылар қонақтарға өлең жолдарын арнаса, ұстаздар қауымы  ерлік сағатының жас жеткіншектерге  берері мол екенін айта отырып, алғыс хатпен марапаттады.